Litigasyon sa Negosyo

Nagbibigay ang mga abogado sa Nevada ng mahusay na pagtatanggol legal sa mga alitan

Malaki ang maaaring maging hadlang ng alitan sa negosyo sa operasyon, reputasyon at kita ng kompanya. Sa O’Reilly Law Group sa Las Vegas, ipinaglalaban ng aming dedikadong mga abogado sa litigasyon sa negosyo ang mga kliyenteng humaharap sa alitan ukol sa paglabag sa kontrata (breach of contract), di-pagkakaunawaan ng shareholder at kasosyo, at iba pang salungatan. Kinakatawan ng aming mga abogado ang mga kompanya sa Nevada sa maraming industriya, kabilang ang real estate at konstruksiyon. Mahigit 40 taon na kaming tumutulong sa mga negosyo na lutasin ang malulubhang suliranin.

Karaniwang uri ng alitan sa negosyo

Kabilang sa pinakakaraniwang uri ng alitan sa negosyo ang mga sumusunod:

• Paglabag sa kontrata — Sa mga kaso ng paglabag sa kontrata na kinasasangkutan ng di-umano'y pagkukulang na tumupad ayon sa isang kasunduan, masusi naming sinusuri ang mga kaugnay na tuntunin at tinutulungan ang aming mga kliyente na hanapin ang pinakamahusay na paraan upang ipatupad ang kanilang karapatan. Nagmula man ang alitan sa hindi pagbabayad, pagtangging tumupad o iba pang di-pagkakaunawaan, may kakayahan ang aming kompanya na epektibong iharap ang iyong kaso.
• Salungatan sa pakikipagsosyo at di-pagkakaunawaan ng shareholder — Kapag hindi magkasundo ang mga shareholder sa pamamahala ng korporasyon o magkaiba ang tingin ng mga kasosyo sa direksyon ng kanilang negosyo, maaari itong lumaki tungo sa masalimuot na alitang legal na maaaring magbanta sa kalusugan ng iyong operasyon. Magbibigay ang aming mga abogado sa litigasyon sa negosyo ng estratehikong payo upang mapangalagaan ang iyong interes at mabawasan ang masamang epekto sa iyong kompanya.
• Alitan sa mga transaksyon sa real estate — Ang mga salungatang nagmumula sa transaksyon sa real estate ay maaaring may kinalaman sa isang panig na hindi tumupad sa isang benta o pagbili, isang panig na hindi naglahad ng problema sa ari-arian, o di-pagkakaunawaan sa hangganan o paggamit ng ari-arian. Sa mga alitang may kaugnayan sa transaksyon sa ari-arian, sinusuri ng aming mga abogado ang kontrata at mga karagdagang kasunduan at ipinapaliwanag kung paano nalalapat ang batas.
• Paghahabol ukol sa konstruksiyon — Maaaring magmula ang paghahabol sa litigasyon sa konstruksiyon sa pinsala sa trabaho, pagkaantala ng iskedyul o pagbabago ng work order. Madalas ding maging sanhi ng demanda ang depekto sa disenyo at konstruksiyon (constructional defect). Maaaring hindi matuklasan ang mga depekto hanggang lumipas ang maraming taon, kaya mahalagang tandaan na may 10-taong taning para maghain ng paghahabol ukol sa depekto sa konstruksiyon sa Nevada.
• Business torts — Kinakatawan ng aming kompanya ang mga panig sa mga kasong isang negosyo ang nagsasabing napinsala sila ng maling gawain ng ibang negosyo. Maaaring sinadya ang mga gawaing ito, tulad ng pagnanakaw ng trade secret o paninira sa katunggali, ngunit minsan ay bunga ito ng kapabayaan. Sa alinmang kaso, maaaring papanagutin ang mga lumabag.

Dahil sa masusi naming pag-unawa sa batas sa negosyo sa Nevada, nasa mabuting posisyon ang aming mga abogado upang katawanin ka kahit sa pinakamasalimuot na alitang legal.

Gumagamit ang mga dedikadong tagapagtanggol ng maraming paraan upang lutasin ang alitan sa negosyo

Maaaring malutas ang iyong alitan sa negosyo nang hindi dumadaan sa litigasyon. Depende sa sitwasyon at uri ng alitan, maaaring posible ang pakikipagnegosasyon ng resolusyon sa mga panig na sangkot, o maaari mong naising humingi ng serbisyo ng isang neutral na tagapamagitan upang gabayan ang negosasyon tungo sa kasunduan. Kung hindi posible ang pag-aayos sa mga tuntuning pabor sa iyo, maaaring ang pagdulog sa paglilitis ang tamang hakbang. Babantayan ng aming mga abogado sa litigasyon sa negosyo ang iyong interes upang matukoy ang pinakamainam na lugar para sa iyong alitan.

Mga lunas sa alitan sa litigasyon sa negosyo

Kabilang sa mga posibleng lunas sa alitan sa litigasyon sa negosyo, depende sa sitwasyong sangkot, ang:

• Compensatory damages sa kaso ng tort o kontrata
• Specific performance na nag-uutos sa kabilang panig na tuparin ang kanilang obligasyon sa kontrata
• Liquidated damages, na paunang natukoy na halaga ng perang babayaran sa alitan ukol sa paglabag sa kontrata
• Restraining order o injunction upang ihinto ang maling gawain

Kapag nililitis ng aming mga abogado ang iyong kaso, magsusumikap kaming makamit ang pinakamainam na resulta.

Makipag-ugnayan sa aming mga abogado sa litigasyon sa negosyo sa Las Vegas para sa tulong sa paglutas ng iyong alitang legal

Sa O’Reilly Law Group sa Las Vegas, tinutulungan ng aming mga abogado sa litigasyon sa negosyo ang maliliit at malalaking negosyo sa buong Nevada na matagumpay na lutasin ang masalimuot na alitang legal. Upang mag-iskedyul ng konsultasyon, tawagan ang aming kompanya sa 702-382-2500 o makipag-ugnayan sa amin online.